Қазақстандық ауыр атлет жасөспірімдер арасындағы АЧ жеңімпазы атанды

Астанада жасөспірімдер мен жастар арасында ауыр атлетикадан Азия чемпионатының кезекті жарыс күні өтіп жатыр, - деп хабарлайды Massaget.kz тілшісі.

Турнир аясында 69 келіге дейінгі салмақта жасөспірім қыздар арасында сайыс өтті. Қазақстан құрамасы екі бірдей медальға ие болды:

• Қос сайыс нәтижесі бойынша 198 (87+111) келіні бағындырған Кира Данилова алтын медаль жеңіп алды.
• Софья Шальгина 175 (82+93) келі көтеріп, үшінші орынға табан тіреді.

Екінші орын өзбекстандық Динура Холдороваға бұйырды, оның көрсеткіші 186 (81+105) келі болды.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!