Қазақстанда спорттың басым түрлері анықталды, - деп хабарлайды Massaget.kz тілшісі.
Биыл сәуірде Мемлекет басшысы қол қойған "Дене шынықтыру және спорт туралы" ҚР заңына бірқатар түзету енгізілген. Негізгі жаңалықтардың бірі - спорттың 46 басым түрін анықтау. Бұл туралы туризм және спорт вице-министрі Серік Жарасбаев мәлімдеді.
Оның айтуынша, бұл тізімге Олимпиада, Паралимпиада, Сурдлимпиада, Азия және Параазия ойындарының бағдарламаларына кіретін, сондай-ақ, Азия және Параазия ойындарында ұсынылған олимпиадалық емес спорт түрлері және ұлттық спорт түрлері енгізілген.
"Қабылданған шаралар Қазақстанның спорттағы нәтижелерін арттыруға мүмкіндік береді", - деді ол.
Сонымен қатар, ұлттық спорт түрлері басым спорт түрлерімен теңестірілген. Қазір елімізде мұндай 11 ұлттық спорт түрі бар.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова