Қазақстан ұлттық құрамасының бас жаттықтырушысы Станимир Стоилов Әзірбайжан құрамасымен өтетін жолдастық кездесуге шақырылған футболшылардың тізімін жариялады. Қазақстан футбол федераиясының ресми сайты хабарлағандай, бұл тізімге 24 футболшы енген. Астана мен Қайрат командаларынан он-он ойыншыдан шақырту алған. Тобылдан 2 футболшы, Ордабасыдан 1 футболшы ғана бар. Сондай-ақ Ресейдің Уфа командасындағы Еркебұлан Сейдахмет тізімге кірген. Қақпашылар:Ненад Эрич (Астана), Владимир Плотников (Қайрат); Қорғаушылар:Юрий Логвиненко, Дмитрий Шомко, Евгений Постников, Абзал Бейсебеков,Сергей Малый (барлығы- Астана),Ғафуржан Сүйімбаев, Станислав Лунин, Ян Вороговский, Нұралы Әліп (барлығы- Қайрат); Жартылай қорғаушылар:Серікжан Мужиков, Бактиер Зайнутдинов (екеуі де- Астана), Бауыржан Исламхан, Магомед Парагульгов, ИсламбекҚуат, Георгий Жуков (барлығы- Қайрат), Максим Федин (Тобыл), Еркебұлан Тұңғышбаев (Ордабасы); Шабуылшылар:Роман Муртазаев, Алексей Щеткин (екеуі де - Астана), Вячеслав Швырев (Қайрат), Бауыржан Тұрысбек (Тобыл), Еркебұлан Сейдахмет (Уфа, Ресей). Жаттықтырушылар штабы: Станимир Стоилов бас бапкер, Цанко Цветанов бас бапкердің көмекшісі, Саид Ибраимов бас бапкердің көмекшісі, Қайрат Нұрдәулетов бас бапкердің көмекшісі, Николай Родионов қақпашылардың жаттықтырушысы. Еліміздің бас командасының оқу-жаттығу жиыны Астанада 1-6 маусым аралығында өтеді. Айта кетейік, Қазақстан мен Әзірбайжан құрамаларының арасындағы жолдастық матч 5 маусым күні Астана Арена стадионында өтеді. Ойын 20:00-де басталады.