Қазақстан құрамасы Милан-2026 Олимпиадасына тағы 4 жолдама иеленді

Қазақстан құрамасы Милан-2026 Олимпиадасына тағы 4 жолдама иеленді, - деп хабарлайды Massaget.kz тілшісі.

Биатлоннан 2025-2026 жылғы әлем кубогы нәтижесінде Қазақстан командасы 4 квотаға қол жеткізді. Осылайша Милан-Кортина ойындарында елімізден 2 ер, 2 әйел сынға түседі.

"Жолдама жеке спортшыға емес, Ұлттық федерацияға берілген. Италияға нақты кімдер баратынын жақында Қазақстан құрамасының бапкерлер кеңесі жариялайды", - деп жазылған министрлік хабарламасында.

Қазір Қазақстан еншісінде мына спорт түрлерінен лицензия бар:

• Конькимен жүгіру (12 лицензия) - Евгений Кошкин, Кристина Силаева, Елизавета Голубева, Надежда Морозова, Арина Ильященко.
• Шорт-трек (9 лицензия) - Абзал Әжғалиев, Денис Никиша, Ольга Тихонова, Яна Хан.
• Мәнерлеп сырғанау (2 лицензия) - Михаил Шайдоров, Софья Самоделкина.

Айта кетейік, XXV қысқы олимпия ойындары Милан және Кортина-д’Ампеццо қалаларында өтеді. Оған әлемнің 93 елінен 3 500-ден аса спортшы қатысады.

Өзекті жаңалықтарды өз уақытында оқу үшін Facebook парақшамызға жазылыңыз!