Футзалдан Қазақстан ұлттық құрамасы Сербия астанасы Белградта өтіп жатқан Еуропа чемпионатының ширек финалында Италия құрамасымен кездеседі.
«С» тобында Қазақстан құрамасы екінші орын алды. Топтағы соңғы ойында ресейліктер Хорватия құрамасымен 2:2 есебімен тең ойнады. Нәтижесінде Ресей құрамасы 4 ұпай, Қазақстан - 3, хорваттар 1 ұпаймен топтағы нәтижені түйіндеді.
Жарыс ережесіне сәйкес Қазақстан құрамасы «D» тобында бірінші орын алған құрамамен кездеседі. Бұл топта бірінші орынды ешбір гол жібермеген Италия құрамасы еншілеп отыр. Сондай-ақ италиялықтар соңғы Еуропа чемпиондары да.
Қазақстан мен Италия құрамалары 9 ақпан күні кездеседі. Өзге жартылай финалдық ойындар жолдамасы сарапқа салынатын кездесулерде Ресей Әзірбайжанмен, Сербия Украинамен, Португалия Испания құрамасымен ойнайды. Ширек финалдық ойындар 8-9 ақпанға жоспарланған.
О. Сансызбай