Алматылық "Қайрат" Чемпиондар лигасының жалпы кезеңіндегі соңғы матчте Англияның "Арсеналымен" ойнау үшін Лондонға ұшты, - деп хабарлайды Massaget.kz тілшісі клубтың баспасөз қызметіне сілтеме жасап.
"Қайраттың" баспасөз қызметі әлеуметтік желілерде команданың Алматы әуежайынан Ұлыбритания астанасына аттанған сәтінен видео жариялады.
Посмотреть эту публикацию в Instagram
Топтық кезеңнің соңғы туры қарсаңында алматылық клуб турнир кестесінде испаниялық "Вильярреалмен" қатар 36-орында тұр.
"Арсеналға" қарсы матч 28 қаңтардан 29 қаңтарға қараған түні Қазақстан уақытымен 01:00-де өтеді.
Еске салайық, Чемпиондар лигасындағы алдыңғы ойында алматылық "Қайрат" тарихи гол соққанына қарамастан бельгиялық "Брюггеге" есе жіберген болатын.
"Қайраттың" Чемпиондар лигасындағы жағдайы
Қазақстандық клубтың еншісінде Кипрдің "Пафосымен" болған матчтегі (0:0) тең ойыннан кейінгі бар болғаны 1 ұпай ғана бар.
Қалған 6 ойында "Қайрат" португалиялық "Спортингтен" (1:4), мадридтік "Реалдан" (0:5), миландық "Интерден" (1:2), даниялық "Копенгагеннен" (2:3), грек "Олимпиакосынан" (0:1) және бельгиялық "Брюггеден" (1:4) жеңілді.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Massaget.kz