Катардағы ӘЧ: плэй-офф кезеңіне шыққан тағы бір құрама белгілі болды
![Катардағы ӘЧ: плэй-офф кезеңіне шыққан тағы бір құрама белгілі болды](/userdata/news/news_75006/image_l.jpg)
Бразилия құрамасы әлем чемпионатының плэй-офф кезеңіне жолдама алды, - деп хабарлайды Massaget.kz тілшісі.
G тобының екінші турында бразилиялықтар Швейцариямен кездесті. Матчте соққы көп бола қоймады, ойын тағдырын бір ғана гол шешті. 64-минутта Винисиус Джуниор гол соққан, бірақ төреші офсайдқа байланысты бұл допты есепке алған жоқ.
Ал 83-минутта Каземиро айып алаңында қараусыз қалып, алыс бұрышты дәл көздеді. Бұл гол Бразилия құрамасына 1:0 есебімен жеңіс сыйлады.
Осы жеңістен кейін бразилиялықтар алты ұпай еншілеп, плэй-офф кезеңіне жолдама алды. Ал Швейцария құрамасы екінші орында - үш ұпай. Камерун мен Сербияда бір ұпайдан бар.
3-тур ойындары енді 2 қарашада өтеді. Бразилия Камерунмен, Швейцария Сербиямен күш сынасады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Е. Төлеш