WBC президенті Маурисио Сулейман Геннадий Головкинмен екінші жекпе-жекте Мексика боксшысы Сауль Канело Альвареске қатысты допинг-тестінің нәтижесін жариялады. Шілде айының 13-і күні алынған сынақ нәтижесінде Альварес ағзасынан тыйым салынған заттар шықпағанын көрсетті.WBC жаңадан VADA-дан 13-ші допингке арналған Canelo сынағына қатысты есеп берді. Нәтижеде Алварестен ешқандай допинг табылмады, - деп жазды ол Twitter парақшасында. Еске салайық, мексикалық боксшы Сауль Канело Альварес (49-1-2, 34 КО) ақпанда тапсырған допинг сынамасынан екі рет кленбутерол табылып, ол бокстан алты айға шеттетілген еді. Бұл препарат адамға бұлшықет көлемін өсіруге және майды жоюға көмектеседі. Ал спорттан тыс бұл препарат жануарлардың салмақ қосуы үшін де пайдаланылады екен.Golden Boy мәлімдемесінде Сауль Альварестің ағзасына бұл препарат зақымдалған ет арқылы енген болуы мүмкін екені айтылған. Дәл осындай жолмен соңғы кездері ондаған спортшының ағзасынан кленбутерол табылған. Осыдан соң 5 мамырға жоспарланған Головкинмен рематчы кейінге қалдырылған еді. Енді жекпе-жек 15 қыркүйекте Лас-Вегаста (Невада штаты) T-Mobile Arena-да өтеді.