Орта салмақта жұдырықтасатын қазақстандық кәсіпқой боксшы Жәнібек Әлімханұлы Бүкіләлемдік бокс кеңесінің (WBC) рейтингінде 5-орынға көтерілді.
72,6 килоға дейінгі салмақтағы рейтингте Жәнібек бір саты жоғарылаған. Өткен айда 6-орында болатын. Ал бұл салмақтағы WBC чемпиондық белбеуі америкалық Джермалл Чарло еншісінде.
Қазақстандық боксшы жаңарған рейтингтен кейін твиттерде Джермалл Чарлоға дайын бол деп жазба қалдырды.
WBC ranking #5 ✔
— Janibek Alimkhanuly (@qazaqstyle) December 9, 2020
Be ready Charlo!
Жәнібек Әлімханұлы WBC-тен бөлек, WBA рейтингінде – 15-ші, IBF рейтингінде – 11-ші, ал WBO рейтингінде 3-орында тұр.
“Qazaq style” лақап атымен танылып жүрген отандасымыз орта салмақта WBO Global белбеуінің иегері. Қазанда рингке шығып, аргентиналық боксшы Гонсало Корионы екінші раундта нокаутпен жеңген еді.
