Қазақстандық ММА файтері, OKTAGON лигасының чемпионы Жалғас Жұмағұлов UFC-ге оралуды жоспарлап жүргенін мәлімдеді, - деп хабарлайды Massaget.kz тілшісі.
Ол бұл туралы X әлеуметтік желісінде жазды.
"Қаласаңыз да, қаламасаңыз да, мен UFC-ге ораламын. Иншалла. Жыл аяғына дейін. Уақыт көрсетеді", - деді спортшы.
Еске салайық, қазақстандық спортшы UFC-мен алғаш рет 2020 жылғы ақпанда келісімшарт жасасып, онда жеті жекпе-жек өткізді. 2023 жылғы шілдеде 1-6 рекордымен лигадан кеткен болатын. Ол Раулиан Пайва, Амир Альбази, Манел Капе, Джефф Молина, Чарльз Джонсон және Джошуа Ваннан жеңіліп, жалғыз жеңісіне Джером Ривераны қылқындыру әдісімен жеңіп қол жеткізген еді.
UFC-ден кеткеннен кейін файтер Oktagon лигасында төрт кездесу өткізіп, үш рет жеңіске жетті. Жалғастың бразилиялық Игор Севериноға қарсы екінші белбеу үшін өткен соңғы жекпе-жегінде, екінші раундта Северино белден төмен тыйым салынған соққы жасады. Осыдан кейін Жұмағұлов айқасты жалғастыра алмады. Қалпына келуге берілген бес минут өткен соң, төрешілер жекпе-жекті тоқтатып, оны өтпеді деп тану туралы шешім қабылдады.
OKTAGON лигасы - әлемдегі үздік 10 лиганың қатарына кіретін Еуропадағы ең ірі MMA промоушені. Ол 2016 жылы Oktagon Challenge реалити-шоуының бөлігі ретінде негізі қаланған. Лига турнирлерінің басым бөлігі Чехия мен Словакияда өтеді.
Қызықты жаңалықтар мен видеоларды көру үшін TikTok арнамызға жазылыңыз!