10-нан 11-ші шілдеге қараған түні Испания құрамасы 2026 жылғы әлем чемпионатының 1/4 финалында Бельгия командасын жеңді, - деп хабарлайды Massaget.kz тілшісі.
Еске салайық, бұған дейін плей-офф кезеңінде испандар Аустрияны ойсырата ұтып (3:0), Португалиядан басым түскен болатын.
Ал бельгиялықтар болса, Сенегалмен ойында камбэк жасап, жеңісті жұлып алды, кейін АҚШ құрамасын ірі есеппен жеңді.
Ойын барысы
30-минутта испандар есеп ашты: Фабиан Руис қайтқан допты сәтті пайдаланып, нысанаға дөп тигізді.
Алайда 41-минутта жартылай қорғаушы Шарль де Кетеларе қапталдан асырылған допты голға айналдырып, таразы басын теңестірді.
Instagram-дағы бұл жарияланымды көру
Матч аяқталуға жақын қалғанда, 88-минутта қорғаушы Пау Кубарси айып алаңының сыртынан соққы жасады. Бельгиялық қақпашы доптың бетін қайтарғанымен, оған бірінші жеткен жартылай қорғаушы Микель Мерино торды дәл көздеп, өз командасына жеңіс сыйлады.
Instagram-дағы бұл жарияланымды көру
Матчтің қорытынды есебі — 2:1.
Осылайша, Испания құрамасы ӘЧ-2026 жарты финалына жолдама алды, онда олар Франция командасымен кездеседі.
Қызықты жаңалықтар мен видеоларды көру үшін TikTok арнамызға жазылыңыз!
Massaget.kz