Бүкіләлемдік бокс кеңесі (WBC) орта салмақта уақытша чемпиондық атақ үшін жекпе-жек ұйымдастыруды міндеттеді. Бұл атаққа рейтингте үшінші және төртінші орында тұрған боксшылар таласатын болады. Уақытша чемпиондық атақ үшін америкалық боксшыларДжермалл Чарло(26-0, 20 КО) менУго Сентено(26-1, 14 КО) шаршы алаңға шығатын болады. Қай жеңгені WBA (Super), IBO, WBC және IBF тұжырымдары бойынша әлем чемпионы атағына ие отандасымызГеннадий Головкинжәне мексикалықСауль Альварескездесуінің жеңімпазымен кездеседі. GGG мен Канело арасындағы екінші кездесу мамыр айында өтуі мүмкін деп күтілуде. Джермалл Чарло қазірдің өзінде Геннадий Головкиннің WBC чемпиондық атағына үміткер боксшылардың бірі. Әйтсе де бұл ұйымның президентіМаурисио Сулейманқазақстандық боксшының мексикалыққа қарсы екінші кездесуіне кедергі келтірмеу мақсатында Чарломен кездесу өткізуді міндеттемеген еді. - Чемпиондық атаққа ие Геннадий Головкин мен Сауль Альварес екінші кездесу өткізу үшін келіссөздер жүргізуде. Бұл келіссөздерге кедергі жасамау үшін WBC орта салмақта чемпиондық атаққа міндетті үміткер Джермалл Чарло мен Уго Сентено арасында уақытша чемпиондық атақ үшін жекпе-жек өткізуді ұйғарып отыр, - деді Маурисио Сулейман. Осыған дейін Джермалл Чарло 2018 жылдың екінші жартысына дейін чемпиондық атақ үшін жекпе-жек өткізе алмайтыны жайлы айтқан болатын. Тек WBC уақытша чемпиондық атағына таласуға үмітті екенін жеткізген-ді. Айта кетейік, Геннадий Головкин мен Сауль Канело Альварес арасындағы екінші жекпе-жек 5 мамыр күні өтуі мүмкін.