Орта салмақтағы бұрынғы әлем чемпионы Геннадий Головкин Қазақстанға оралмақшы. Бұл туралы қазақстандық боксшы Сұлтан Зәуірбек Instagram-дағы парақшасында хабарлады.
Ол Головкинмен бірге түскен фотосын жүктеді.
"Елге Гена ағамызбен қайттық. Жекпе-жегіңді DAZN-нан көрдім дегеннің өзі қуаныш болды, - деп жазды Зәуірбек.
Геннадий Головкин былтырғы қыркүйектен бері – мексикалық Сауль Канело Альвареспен жекпе-жегінен кейін рингке шықпады. Ол биыл орта салмақтағы WBA Super, IBF және IBO титулдарын қайтарып берді. 41 жастағы боксшы әзірше карьерасы туралы мәлімдеме жасаған жоқ.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!