Орта салмақта WBA (Super), IBO, WBC және IBF тұжырымдары бойынша әлем чемпионы атағына ие отандасымыз Геннадий Головкин танымал The Ring журналының желтоқсан айындағы мұқабасына шықты. - Осы айдағы журналдың мұқабасында P4P-рейтингісінің көшін бастап тұрған Геннадий Головкин, - деп жазды The Ring instagram желісіндегі парақшасында. Публикация от The Bible Of Boxing (@ringtv)Дек 6 2017 в 10:44 PST Қазақстандық боксшы белгілі журналдың мұқабасына шығуы туралы The Ring, осындай құрметтеріңізге рақмет деп алғысын білдірді. GGGThe Ring журналының салмақ дәрежесіне тәуелсіз боксшылар рейтингінде көш бастап тұр. Айта кетейік, қазіргі таңда Геннадий Головкин мен мексикалық Сауль Канело Альварестің командасы екінші жекпе-жек жайында келіссөздер жүргізіп жатыр. Осыған дейін жарияланған ақпараттар бойынша қос боксшы арасындағы бокс кеші 5 мамырда өтуі мүмкін.