Қазақстандық спортсүйер қауым футзалдан Еуропа чемпионатына қатысатын ұлттық құраманың ойындарын тікелей эфирде тамашалай алады. Ойындарды Хабар арнасы көрермендер назарына ұсынады. Футзалдан Еуропа чемпионаты 30-қаңтар мен 10-қпан аралығында Словения елінің астанасы Люблянада өтеді. Жеребе қорытындысы бойынша Қазақстан құрамасы В тобына түскен. Ресей және Польша құрамаларына қарсы ойнайды. Топтан плей-офф кезеңіне екі команда шығады. Тікелей эфир кестесі: 1 ақпан. Польша - Қазақстан (трансляция Астана уақыты бойынша 23:00-де басталады) 3 ақпан. Ресей - Қазақстан (23:00) Айта кетейік, Қазақстан құрамасы 2016 жылы Сербия астанасы Белградта өткен Еуропа чемпионатында қола жүлдеге қол жеткізген болатын.