Қайрат футзал клубының бразилиялық шабуылшысыТайнанҚазақстан ұлттық құрамасы сапында ойнауға мүмкіндік алды. Бұл туралы Eurosport тілшісі Густаво Муньяна хабарлады. Тайнанның ойнауға мүмкіндік алғанын Қазақстан құрамасының өкілдері де растап отыр. Ол ұлттық құрама сапына қосылған төртінші бразилиялық ойыншы. Қазіргі таңда құрама сапында қақпашыИгитамен қорғаушыларЛеоменДугласойнап жүр. Тайнан ұлттық құрама сапындағы алғашқы ойынына қатысып та үлгерді. Сенбі күні Украина құрамасына қарсы жолдастық кездесуде ойынға қатысты. Бразилиялық ойыншы Қайратқа 2017 жылы ауысып келген болатын. Оған дейін Бразилия, БАӘ және Иран чемпионаттарында ойнаған. Ол Бразилия жастар құрамасының үздік ойыншыларының бірі болған. Ойыншы Қазақстан құрамасымен бірге екі күннен кейін Словения елінің астанасы Люблянада өтетін Еуропа чемпионатына қатысады. Жарыс 30-қаңтар мен 10-қпан аралығында өтеді. Жеребе қорытындысы бойынша Қазақстан құрамасы В тобына түскен. Ресей және Польша құрамаларына қарсы ойнайды. Топтан плей-офф кезеңіне екі команда шығады. Қазақстан құрамасының ойындарын Хабар арнасы тікелей эфирде көрсетеді: 1 ақпан. Польша - Қазақстан (трансляция Астана уақыты бойынша 23:00-де басталады) 3 ақпан. Ресей - Қазақстан (23:00) Айта кетейік, Қазақстан құрамасы 2016 жылы Сербия астанасы Белградта өткен Еуропа чемпионатында қола жүлдеге қол жеткізген болатын.