Футболшылар қарапайым адамдарға қарағанда деменциядан жиі зардап шегеді

Футболшылар арасында деменцияның даму қаупі қарапайым адамдарға қарағанда 1,5 есе жоғары болған. Көбінесе спортшылар Альцгеймер ауруына шалдығады.

Швециядағы Каролинска институтының зерттеушілері 1924 жылдан 2019 жылға дейін Швецияның жоғарғы дивизионында (Аллсвенскан) ойнаған 6007 футболшының медициналық жазбаларын зерттеді. Мұқият талдаудан кейін зерттеушілер қарапайым адамдарға қарағанда кәсіби футболшылардың деменциядан көбірек зардап шегеді деген қорытындыға келді.

Ғалымдардың жұмысы ең беделді медициналық журналдардың бірі – The Lancet басылымында жарияланған.

Сонымен, зерттеушілер нейродегенеративті ауру 537 ер адамда дамығанын анықтады (9%). 56 168 адамды қамтитын бақылау тобымен салыстырғанда, 3 485 адам кәрілік деменциядан зардап шекті - бұл респонденттердің 6 % құрайды.

Бір қызығы, Альцгеймер ауруы (және деменцияның басқа түрлері) көбінесе кәсіби футболшыларда диагноз қойылған.

Ғалымдар қауіпті патологиялар көбінесе алаң ойыншыларында (шабуылшылар мен қорғаушылар) кездесетінін анықтады. Қақпашылар аз зардап шегеді. Сарапшылар баспен жиі соққы жасау осы ауруға алып келетініе сенімді.  

Мидың шайқалуы әрқашан үлкен қауіпті

Футболда допты баспен соғу кезінде ми шайқалуы болуы мүмкін.

Бас жарақаттары өздігінен өте қауіпті және маманның кеңесінсіз ауыр зардаптарға әкеледі.

"Мидың шайқалу себептері – адамның жол-көлік оқиғасы кезінде, спортпен айналысу кезінде немесе жұмыста, көшеде ұрыс-керіс кезінде құлауы кезінде болуы мүмкін", - дейді невропатолог.

Ми шайқалуы немесе басқа бас жарақаттары неғұрлым көп болса, соғұрлым әртүрлі патологияларды дамыту қаупі жоғары болады. Тіпті "ауыртпайтын қарапайым соққы" да зиян келтіруі мүмкін.