Футболдан Қазақстан – Финляндия ойынын қайдан көруге болады?

Фото: ҚФФ

07 қыркүйек 2023, 15:05

Бүгін футболдан Қазақстан ұлттық құрамасы 2024 жылғы Еуропа чемпионатына іріктеу кезеңі аясында Финляндиямен ойнайды. "Астана Аренадағы" ойын кешкі сағат 20:00-де басталады.

"Н" тобындағы маңызды ойынды QazSport арнасы тікелей эфирде көрсетеді. Сондай-ақ телеарнаның ресми сайтынан да көруге болады.

Ойынға румын төрешісі Раду Петреску қазылық жасайды. Оған отандастары Раду Гингуляк пен Мирча Григориу көмектеседі, төртінші төреші – Марцел Бирсан.

Төрт ойыннан кейін "Н" тобында Финляндия және Қазақстан құрамалары 9 ұпаймен қатар келеді. Қосымша көрсеткіштер бойынша ғана финдер алда тұр.

Аптаның басты оқиғалары мен пайдалы видеоларды көру үшін YouTube арнамызға жазылыңыз

О. Сансызбай