Фируза Шарипова абсолютті әлем чемпионымен жекпе-жекте қанша гонорар алды?

Қазақстандық спортшының жеңіл салмақтағы абсолютті әлем чемпионы Кэти Тейлормен жекпе-жекте қанша табыс тапқаны белгілі болды.

Қазақстандық Фируза Шарипова мен ирландиялық Кэти Тейлор арасындағы жекпе-жек Ливерпульде өтіп, он раундқа созылды. Totalsportal.com сайтының хабарлауынша, Шәріпованың кепілді жарнасы 100 000 доллар, Тейлордікі 500 000 доллар болған.

Естеріңізге сала кетейік, қазақстандық спортшы Фируза Шәріпова жеңіл салмақтағы абсолютті әлем чемпионы Кэти Тейлормен жекпе-жегінде жеңілген болатын. Төрешілер жекпе-жекті 98:92, 97:92, 96:93 есебімен бірауыздан Тейлордың пайдасына шешті.

Келесі жылы ирландиялық спортшы пуэрто-риколық Аманда Серраномен тарихи жекпе-жек өткізуді жоспарлап отыр.