Еуро-2024. Қазақстан мен Солтүстік Ирландия арасындағы іріктеу ойыны қашан өтеді?

19 маусымнан 20 маусымға қараған түні Белфастта футболдан 2024 жылғы Еуропа чемпионатының іріктеу турнирі аясында Солтүстік Ирландия мен Қазақстан арасындағы кездесу өтеді.

Солтүстік Ирландия - Қазақстан матчының тікелей трансляциясын Qazsport телеарнасынан көруге болады. Басталуы Астана уақыты бойынша 00:35-те.

Еуро-2024 іріктеу кезеңінде үш ойын өткізген Қазақстан құрамасының қоржынында алты ұпай бар. Магомед Адиевтің ойыншылары турнирдегі ойынын сәтсіз бастады. Словениядан ұтылды (1:2), бірақ кейін сенсациялы түрде Дания құрамасын (3:2) ұтты. Сан-Мариноға болса жауапсыз үш гол соқты. Солтүстік Ирландия құрамасына келсек, үш ойыннан кейін үш ұпайы бар: солтүстік ирландиялықтар да Сан-Мариноны ұтты (2:0), бірақ Финляндия (0:1) мен Даниядан (0:1) ұтылды.