Ержан Еркінбаев туризм және спорт вице-министрі болды

Ержан Еркінбаев туризм және спорт вице-министрі болып тағайындалды, - деп хабарлайды Massaget.kz тілшісі.

Бұл туралы Үкіметтің баспасөз қызметі хабарлады.

"Қазақстан Республикасы Үкіметінің қаулысымен Ержан Мәлікұлы Еркінбаев ҚР туризм және спорт вице-министрі қызметіне тағайындалды", - делінген хабарламада.
 

Ержан Еркінбаев 1982 жылы Жамбыл облысының Шу қаласында дүниеге келген. 

Қазақ мемлекеттік заң академиясын, РФ Президенті жанындағы Ресей халық шаруашылығы және мемлекеттік қызмет академиясын және Халықаралық бизнес академиясын тәмамдаған. 

Еңбек жолын 2002 жылы жеке компанияда заңгер болып бастаған.

Түрлі жылдары жеке компанияларда жобалар жетекшісі, заңгер болып жұмыс істеген.

2009-2013 жылдары "Шымбұлақ" тау шаңғысы курортының бас директоры,

2013-2016 жылдары "Медеу" спорт кешенінің бас директоры,

2016-2019 жылдары Алматы мемлекеттік зоологиялық паркінің директоры,

Сонымен бірге Kazakh Tourism ұлттық компаниясының төрағасы болды.

Қызықты жаңалықтар мен видеоларды көру үшін TikTok арнамызға жазылыңыз!