Қазақстандық теннисші Елена Рыбакина Брисбендегі WTA 500 халықаралық турнирінің ширек финалына шықты. Ол 1/8 финалда Бельгия елінің теннисшісі Элиза Мертенсті айқын басымдықпен жеңді.
Бірінші сетте Елена қарсыласына 1 геймде ғана есе жіберді. Екінші сетте 6:0 есебімен басым болды. Нәтижесінде қазақстандық теннисші қарсыласын 58 минутта жеңіп шықты.
Екі теннисші өзара бесінші рет кездесті. 4:1 есебімен Елена Рыбакина алда.
Ширек финалда Елена Вероника Кудерметова (№16) - Анастасия Потапова (№28) арасындағы ойында жеңіске жеткенімен кездеседі.
Айта кетейік, Элиза Мертенс жұптық сында әлемнің бірінші ракеткасы болған. Мансабында жұптық сайыс бойынша үш рет "Үлкен дулыға" жарысында жеңімпаз атанған.
Қызықты жаңалықтар мен видеоларды көру үшін TikTok арнамызға жазылыңыз!