Бокстан Тараз қаласында өтіп жатқан Қазақстан чемпионатының жартылай финалдық кездесулері аяқталып, финалға шыққан боксшылар белгілі болды. Шаршы алаңдағы жекпе-жекте еліміздің 14 облысынан бөлек, Алматы мен Астана қалаларынан келген боксшылар бақ сынауда.
Финалдық кездесуге шыққан боксшылар саны бойынша Оңтүстік Қазақстан облысының командасы көш бастап тұр. Олардан 6 былғары қолғап шебері алтын медаль үшін таласатын болады. Ақмола мен Жамбыл облыстарынан – 4, Алматы мен Астанадан – 2, Маңғыстау мен Қарағанды өңірлерінен 1 боксшыдан финалға өтті.
Сонымен финалда жұдырықтасатын боксшылар тізімі төмендегідей:
49 келі: Жомарт Ержан (ОҚО) — Теміртас Жүсіпов (Ақмола облысы)
52 келі: Азамат Исақұлов (Маңғыстау облысы) — Олжас Саттыбаев (Жамбыл облысы)
56 келі: Нұрсұлтан Көшеғұлов (Ақмола облысы) — Алмас Жақыпов (Жамбыл облысы)
60 келі: Ержан Мұсафиров (Қарағанды облысы) — Закир Сафиуллин (ОҚО)
64 келі: Алмасбек Алибеков (ОҚО) — Самат Башенов (Астана)
69 келі: Сағадат Рахманқұлов (Жамбыл облысы) — Асланбек Шымбергенов (Жамбыл облысы)
75 келі: Мейірім Нұрсұлтанов (Астана) — Нұрзат Собиров (ОҚО)
81 келі: Нұрдәулет Жарманов (Ақмола облысы) — Арман Рысбек (Алматы облысы)
91 келі: Асқар Абдуллаев (ОҚО) — Алмат Серімов (Ақмола облысы)
+ 91 келі: Нұржан Бекзатов (ОҚО) — Руслан Мырсатаев (Алматы облысы).
Финалдық жекпе-жектер ертең өтетін болады.
Сурет: sportnews.kz
О. Сансызбай