Боксшы Алуа Балқыбекова Аичи-Нагояда (Жапония) өтіп жатқан Азия ойындарының финалына өте алмады, - деп хабарлайды Massaget.kz тілшісі ҰОК-қа сілтеме жасап.
Ол 51 келіге дейінгі салмақта ел намысын қорғады. Алуа Балқыбекова жартылай финалда Тхи Там Нгуенмен (Вьетнам) жұдырықтасты. Үш раундтың қорытындысы бойынша Вьетнам боксшысы 5:0 есебімен жеңіске жетті.
Ал Алуа Балқыбекова Азия ойындарын қола медальмен аяқтады.
Боксшы Наталья Богданова да Аичи-Нагояда (Жапония) өтіп жатқан Азия ойындарының жартылай финалында жеңіліп қалды. Ол 75 келіге дейінгі салмақта финалға шығу үшін үндістандық Ловлина Боргохайнмен қолғап түйістірді.
Тартысты жекпе-жекте Үндістан өкілі 3:2 есебімен жеңіске жетті. Ал Наталья Богданова жарысты қола медальмен аяқтады.
Instagram парақшамызға жазылып, ең қызықты ақпараттарды бірінші болып оқыңыз!