Қазақстандық боксшы Жәнібек Әлімханұлы мексикалық Сауль "Канело" Альварес Кристиан Мбиллиді жеңгеннен кейін оған үндеу жасады. Жәнібек 2027 жылы атақты боксшымен жұдырықтасуға ниетті екенін білдірді, - деп хабарлайды Massaget.kz тілшісі.
31 қазанда Сауд Арабиясының Эр-Рияд қаласында Канело мен Кристиан Мбилли арасында жекпе-жек өтті. Мексикалық боксшы төрешілердің бірауыздан шығарған шешімімен жеңіске жетіп, екінші орта салмақта WBC тұжырымы бойынша әлем чемпионы атанды.
Жекпе-жектен кейін Жәнібек Әлімханұлы Канелоға үндеу жасады.
"Дайын бол! Мен келе жатырмын", - деп жазды қазақстандық.
Be ready! I am coming for you.
- Janibek Alimkhanuly (@qazaqstyle) October 31, 2026
Канело мен Мбилли арасындағы кездесуге дейін-ақ қазақстандық боксшы келесі жылға жоспарларын белгілеп қойған болатын. Ол мамырда осы жекпе-жектің жеңімпазымен кездескісі келетінін мәлімдеді.
"Қаңтарда мен супер орта салмақта чемпиондық атақты жеңіп аламын. Ал мамырда осы жекпе-жектің жеңімпазымен кездесіп, титулдарды біріктіргім келеді", – деп жазды Әлімханұлы.
Жәнібек Әлімханұлы 2027 жылғы 23 қаңтарда алғаш рет жаңа салмақ дәрежесінде шаршы алаңға шығады. Оның қарсыласы - жеңіліс көрмеген даниялық боксшы Якоб Банк, ал бәске WBO нұсқасы бойынша бос тұрған әлем чемпионы атағы тігіледі.
Айта кетейік, Жәнібек Әлімханұлы мен оның командасы рингте әлі де өнер көрсетіп жүрген ең беделді боксшылардың бірімен жұдырықтасу ниеті туралы көптен бері айтып жүр.
Канело деген кім?
36 жастағы мексикалық Сауль Альварес – әлемдегі ең танымал боксшылардың бірі. Ол супер орта салмақта бокстан абсолют әлем чемпионы болған, сондай-ақ, басқа да салмақ дәрежелерінде бақ сынаған.
Оның кәсіпқой бокстағы есебінде 68 жекпе-жек бар, оның 63-інде жеңіске жеткен (39-ы мерзімінен бұрын).
Оның қазақстандық Геннадий Головкинмен текетіресі бокс тарихында мәңгі қалады. 2017-2022 жылдар аралығында олар үш рет кездесіп, барлық жекпе-жек толық раундтарға созылды. Алғашқы кездесуде төрешілер тең нәтиже тіркесе, екінші және үшінші жекпе-жекте жеңісті мексикалыққа берді.
Қазір Канелоның ешқандай чемпиондық титулы жоқ – ол былтыр төрешілер шешімімен жеңіліп, белбеулерін Теренс Кроуфордқа беріп қойған еді. Сонымен қатар, оның франциялық Кристиан Мбиллимен екінші орта салмақта WBC титулы үшін жекпе-жегі жоспарланған болатын.
Instagram-дағы бұл жарияланымды көру
Instagram парақшамызға жазылып, ең қызықты ақпараттарды бірінші болып оқыңыз!
Massaget.kz