Дархан Есенғали еркін күрестен Азия чемпионы атанды
![Дархан Есенғали еркін күрестен Азия чемпионы атанды](/userdata/news/news_81639/image_l.png)
Еркін күрестен 74 келіге дейінгі салмақта бақ сынайтын Дархан Есенғали Астанада Азия чемпионы атанды, - деп хабарлайды Massaget.kz тілшісі.
Отандасымыз финалда жапониялық Кирин Киношитаны ұпай санымен ұтты.
Дархан күндіз 1/8-де сингапурлық Хонг Луды, ширек финалда қырғызстандық Әділет Жапарқұловты сенімді ұтып, келесі кезеңге жолдама алған. Ал жартылай финалда Бахрейн атынан сынға түсетін Магамедрасул Аслуевты ұпай санымен жеңді.
Бұл - қазақстандық еркін күрес шеберлерінің осы чемпионаттағы 3-алтыны.
Посмотреть эту публикацию в Instagram
Айта кетейік, Дархан биыл ақпанда Алматыдағы ҚР-ның VI жазғы Спартакиадасында топ жарды. Төрт жылда бір өтетін бұл сында ол осы салмақтағы көшбасшы Нұрқожа Қайпановты, ал финалда Нұрлан Бекжановты ұтқан.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан