Футболдан Еуропаның клубтар арасындағы басты бәсекесі саналатын Чемпиондар лигасының ширек финалына шыққан барлық команда белгілі болды. 1/8 финалдағы соңғы ойындардаБавария(Германия) сырт алаңдаБешикташты(Түркия) 3:1 есебімен ұтты. Қос ойын қорытындысы бойынша алсақ, мюнхендік команда бет қаратқан жоқ. Есеп 8:1. КаталондықБарселонаЛондондаЧелсиментең түсіп, өз алаңында қарсыластарын 3:0 есебімен ойсырата жеңді. ОйындаЛионель Мессидубль жасаса,Усман Дембеле блауграна сапындағы алғашқы голын соқты. Сондай-ақ аргентиналық сұрмергеннің Чемпиондар лигасында соққан голдар саны 100-ге жетті. Сонымен ширек финалға шыққан 8 команда анықталды. Олар:Барселона, РеалжәнеСевилья(үшеуі де Испания),ЛиверпульжәнеМанчестер Сити(екеуі де Англия),РомажәнеЮвентус(Италия),Бавария(Германия) командалары. Манчестер Юнайтед, ТоттенхэмжәнеЧелси(үшеуі де - Англия),Порту(Португалия),Шахтер(Украина),Бешикташ(Түркия),ПСЖ(Франция) жәнеБазель(Швейцария) командалары жарысты 1/8 финалда аяқтады. Чемпиондар лигасы ширек финалының жеребесі 16 наурыз күні өтеді. Астана уақытымен сағат 16:00-де басталады. Бұл кезеңде бір елдің командалары да бір-біріне қарсылас атана береді. Алғашқы ойындар 3-4 сәуір күні, қарымта кездесулері араға бір апта салып өтеді.