Бүгін түнде уәделі уақыт 00:45-те 2017-18 жылғы Чемпиондар лигасының финалдық кездесуі өтеді, деп жазадыprosports.kz сайты. Украина астанасы Киев қаласында өтетін ақтық бәсекеде испаниялық Реал Мадрид пен англиялық Ливерпуль командалары күш сынасады. Қатарынан үшінші жыл чемпион атану VS 13 жылдан кейінгі алғашқы жүлде Реал Мадрид командасы екі жыл қатарынан Еуропаның басты додасын жеңіп алған еді. Сөйтіп, Чемпиондар лигасының тарихында қатарынан чемпион атанған алғашқы команда болған еді. Егер биыл тағы жеңіске жетсе жаңа рекордтың мұртын бұзатын болады. АлЛиверпуль соңғы рет финалда 2007 жылы ойнады. Ол кезде италиялықМиланға есе жіберіп алған еді. Ал чемпиондық атаққа қол жеткізген кезі тіпті ерте. 2005 жылы тағы да осыМиланмен финалда жолыққан. Стамбул төрінде англиялықтардың жолы болған болатын. Кездесулер тарихы Қос команда чемпиондар лигасы тарихында бес мәрте кездескен. Соның екеуіндеРеал, үшеуіндеЛиверпуль жеңіске жеткен. Доп айырмасы 4-те 6. Бұлар соңғы рет2014-15 жылы топтық кезеңде кездесті. Ол кезде мадридтік команда 3:0 және 1:0 есебімен екі ойында да жеңді. Ал одан сәл ертерек2008-09 жылы 1/8 финалда жолдары түйісіп, келесі кезеңге мерсисайдтық команда өткен. Қос ойынның қорытындысы 1:0 және 4:0! Бұдан бөлек өткен ғасырда,1980-81 жылы, Чемпиондар кубогының финалында күш сынасқандары бар. Париж қаласында өткен кездесу 1:0 есебіменЛиверпульдің пайдасына шешілген еді. Роналду VSҮш ноян БиылРеал Мадридтің қарқыны жылдағыдай емес. Ла лига мен Испан кубогында жолы болмады. Тек 2018 жылдың табалдырығын аттағалы бері ғана команда ойыны сәл оңалды. Оған басты себеп, Роналдудың гол соға бастауында болса керек. Ла лиганың алғашқы айналымында 4 гол ғана соққан португалиялық екінші айналымда 22 гол соқты. Чемпиондар лигасында осы маусымда 15 гол соғып, сұрмергендер көшін бастап тұр. АлЛиверпуль клубы бұған ұқсамайды. Бір ойыншының гол соғуына қарап отырған олар жоқ. Қарсыластың айып алаңын шаңға көметін үш бірдей шабуылшысы бар. Бұған бір ғана мысал, Салах, Мане, Фирмино үштігі биыл Чемпиондар лигасында 29 гол соқты. Алғашқы екеуінің еншісінде 10 голдан бар болса, соңғысы 9 нәтижелі соққы жасаған. Осы үш алыптың бастауыменЛиверпуль командасының Чемпиондар лигасында соққан голдар саны 46- ға жетті. Зидан VS Клопп Бұл қос бапкердің алғашқы рет кездесуі. Бұған дейін команда бастап күш сынасудың сәті түспеген екен. Зинедин Зидан 2016 жылдың басында Реал Мадрид тізгінін ұстағалы бері Чемпиондар лигасын екі мәрте жеңгенін айттық. Бұдан бөлек, екі кезек клубтар арасындағы әлем чемпионатын, екі рет Еуропа Суперкубогын жеңіп алды. Демек, өзі қатысқан 6 финалда да жеңіліп көрген жоқ. Ал Юрген Клопп финалда жолы ауыр бапкер. Алты мәрте финалда бақ сынап, соның бесеуінде жолы болмаған екен. Сонау 2012 жылыБоруссия Дортмунд командасын бастап Германия кубогының финалында жеңіске жеткен еді. Одан бері өзі қатысқан Чемпиондар лигасының финалы, екі рет Германия кубогының финалы және Ливерпульге келгелі Англия кубогы мен Еуропа лигасының финалында қарсыластарына жол берді. Негізгі құрамда шығуы мүмкін құрам: Реал Мадрид:Навас, Карвахаль, Варан, Рамос,Марсело, Каземиро, Модрич, Кросс, Иско, Бэйл, Роналду. Ливерпуль:Кариус, Александер-Арнольд, ван Дейк, Ловрен, Робертсон, Хендерсон, Милнер, Вейналдум, Салах, Мане, Фирмино. Естеріңізге сала кетейік, финал бүгін түнде Астана уақыты 00:45-те басталады. Матчты Qazsport телеарнасы тікелей эфирде көрсетеді. prosports.kz