Бокстан Болгария елінің астанасы Софияда өтіп жатқан "Странджа" халықаралық турниріндегі жекпе-жектер жалғасады. Бүгін ширек финалда үш боксшымыз өзбектерге қарсы жекпе-жекке шығады.
Отандастарымыздың кездесуі кешкі сессияға жоспарланған. Астана уақытымен 22:00-де басталады.
57 кило салмақта Оразбек Асылқұлов өзбек боксшысы Әбдімәлік Халоковпен жұдырықтасады. Бұған дейін отандасымыз екі жекпе-жек өткізіп, екеуінде де қарымды қарсыластарына мықтылығын мойындатқан еді.
75 кило салмақта Нұрқанат Райыс Алохон Абдуллаевпен кездеседі. Ал жарысты жарқын жеңіспен бастаған әлем чемпионы Бекзат Нұрдәулетовтің де қарсыласы – өзбек боксшысы Жасурбек Юлдашев.
Айта кетейік, бұған дейін жекпе-жекке шыққан қазақ боксшыларының барлығы жарыс жолынан шығып қалды. Бүгін қалған осы үш боксшымызға үміт артамыз.
Спорт эмоцияларының бас демеушісі 1XBET компаниясы "Чемпионға арналған пәтер" тамаша акциясын жариялайды. 1XBET компаниясымен бірге чемпион бол да, Алматының орталығындағы жап-жаңа пәтердің кілтін ал!