23 маусымда Португалия құрамасы Әлем чемпионатындағы екінші матчін өткізеді. Криштиану Роналду бастаған команда Өзбекстан құрамасына қарсы ойнайды, - деп хабарлайды Massaget.kz тілшісі.
Алғашқы матчта португалиялық футболшылар Конго ДР командасын жеңе алмады (1:1), ал Криштиану Роналду сынға ұшырады.
Өзбекстан құрамасы бірінші турда Колумбиядан ұтылғанымен, өз тарихында Әлем чемпионатының алғашқы голын соқты (1:3).
Айта кетейік, бұған дейін Португалия мен Өзбекстан командалары ешқашан кездеспеген.
ӘЧ-2026-ның алғашқы матчінде Өзбекстан құрамасы қақпасын Қазақстанның Түркістан облысы Сайрам ауданы Сайрам ауылында дүниеге келген Өткір Юсупов қорғады. Португалияға қарсы кездесуде де оның негізгі құрамда шығу ықтималдығы жоғары.
Посмотреть эту публикацию в Instagram
Өзбекстан - Португалия матчі Қазақстан уақытымен 22:00-де басталады. Ойынды Qazsport арнасы, сондай-ақ, телеарна сайты тікелей эфирден көрсетеді.
Посмотреть эту публикацию в Instagram
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова