Халықаралық бокс ұйымы (IBO) барлық салмақ дәрежесі бойынша наурыз айындағы жаңарған рейтингін жариялады. Жаңа рейтингте бірінші ауыр салмақта жұдырықтасатын қазақстандық боксшы Бейбіт Шүменов үздік ондыққа енді.
Бейбіт Шүменов 11-орыннан 8-ге көтерілді. Сондай-ақ IBO рейтингінде Бейбіттен өзге де боксшыларымыз бар екені белгілі. Жеңіл салмақтағы жерлесіміз (53,5 келіге дейін) Жанат Жақиянов үш саты төмендеп 50-орынға тұрақтаса, бірінші ауыр салмақта бақ сынайтын Иса Ақбербаев 35-ші орнын сақтап қалды. Ал бірінші орта салмақтағы отандасымыз Қанат Ислам үздік жүздікке енбей қалды.