Бокстан Қазақстан ерлер құрамасы 2026 жылы өтетін басты додаларға дайындықты бастап кетті. Бұл туралы Ұлттық құраманың бас бапкері Нұржан Насанов Olympic.kz сайтына берген сұхбатында айтты, - деп хабарлайды Massaget.kz тілшісі.
Оның сөзінше, биыл негізгі мақсат - Азия чемпионаты және Азия ойындары.
"Әр жарысқа арнайы әзірленген дайындық жоспары бар. Азия ойындарына дейін жоспарлы түрде дайындаламыз. Қазір алғашқы цикл аяқталды. Бірінші оқу-жаттығу жиыны "Алма-Тау" орталығында, екіншісі Испанияда өтті. Кейін жарысқа қатыстық. Әр цикл екі оқу-жаттығу жиыны мен бір жарыстан тұрады", - деді ол.
Сонымен қатар, АҚШ-та оқу-жаттығу жиындары жоспарланған. Соңғы оқу-жаттығу жиыны Жапонияда ұйымдастырылады.
Instagram парақшамызға жазылып, ең қызықты ақпараттарды бірінші болып оқыңыз!