Журналист Гильем Балаге "ПСЖ" шабуылшысы Лионель Месси клубтан ұсыныс түспегендіктен жақын арада "Барселонаға" оралмайтынын айтты, - деп хабарлайды Massaget.kz тілшісі Vesti.kz сайтына сілтеме жасап.
Гильем Балагенің айтуынша, "Барселона" президенті Жоан Лапорта Мессидің әкесімен кездесіп, болашақта Лионельге қалай құрмет көрсету керек екенін талқылаған. Алайда Мессидің қайта оралуы туралы сөз болмаған.
Сонымен қатар, Ла Лига клубтың тағы бір бөлігін сату арқылы Мессидің әлеуетті трансферін қаржыландыруды қолдамайды, өйткені оның басымдығы - "Барселонаның" 200 миллион долларлық қарызын азайту, деп хабарлайды Балаге Ла Лигадағы дереккөздерге сілтеме жасап.
Еске салайық, 35 жастағы Мессидің ПСЖ-мен келісімшарты маусым соңында аяқталады. Француз клубы аргентиналық шабуылшымен 2021 жылдан бері жұмыс істеп келеді, оған дейін Месси ұзақ уақыт бойы "Барселона" құрамында ойнаған.
Спорт эмоцияларының бас демеушісі 1XBET компаниясы "Чемпионға арналған пәтер" тамаша акциясын жариялайды. 1XBET компаниясымен бірге чемпион бол да, Алматының орталығындағы жап-жаңа пәтердің кілтін ал!