Балуан Ислам Байрамуков жаңа қызметке тағайындалды
![Балуан Ислам Байрамуков жаңа қызметке тағайындалды](/userdata/news/news_105336/image_l.jpg)
Туризм және спорт министрлігі Спорт және дене шынықтыру істері комитетінің бұйрығының негізінде Алматы қаласындағы "Республикалық спорт колледжінің" директоры лауазымына Ислам Байрамуков тағайындалды, - деп хабарлайды Massaget.kz тілшісі.
Ислам Байрамуков – еркін күрестен Еңбек сіңірген спорт шебері және Сидней Олимпиадасының күміс жүлдегері. 1971 жылы Жамбыл облысының Каменка ауылында дүниеге келген. Республикалық олимпиада резерві училищесін (1989); Қазақ мемлекеттік дене шынықтыру институтының «Дене шынықтыру мен спорт оқытушысы» мамандығын бітірген (1993).
"Штаттық ұлттық командалар мен спорттық резервтің дирекциясы" РМКК спортшы-нұсқаушысы (1993-2004). Әл-Фараби атындағы Қазақ ұлттық университетінің "Құқықтану" мамандығын (2003), Мәскеу әлеуметтік-гуманитарлық университетін (Қаржы және экономика) (2005) аяқтаған.
Өзекті жаңалықтарды өз уақытында оқу үшін Facebook парақшамызға жазылыңыз!
С. Сатыбалдина