БАҚ: "Реал Мадрид" жаңа ойыншыны 100 миллион еуроға сатып алады

Мадридтік "Реал" "Монакомен" Орельен Тчуамениді сатып алу туралы келісімге келді. Бұл туралы The Athletic хабарлады.

Дереккөздің хабарлауынша, "корольдік клуб" 22 жастағы ойыншыны 100 миллион еуроға трансфер жасау бойынша "Монакомен" ауызша келісімге келген. Қазір тараптар барлық қажетті құжаттарға тез арада қол қойып, трансферді ресми түрде жариялау үшін мәмілені заңды түрде тіркеу жұмыстарын жүргізуде.

Инсайдер Фабрицио Романоның айтуынша, ПСЖ көбірек ақша төлеуге дайын болғанымен, Тчуаменидің өзі "Реалға" ауысқысы келген. Париждіктер өткен аптада ойыншы өз ниетін айқындаған соң келіссөздерден бас тартқан.

Айта кетейік, Орельен Тчуамени  – "Бордо" клубының түлегі. 2020 жылы футболшыны 18 миллион еуроға "Монако" сатып алған. Тчуамени өткен маусымда барлық турнирде 50 ойынға қатысып, бес гол соғып, үш нәтижелі пас берген. Оның "Монакомен" келісімшарты 2024 жылы аяқталады.