Азия Чемпионатында Қазақстанның екі боксшы қызы финалға шықты
![Азия Чемпионатында Қазақстанның екі боксшы қызы финалға шықты](/userdata/news/news_77285/image_l.jpg)
Қазақстандық боксшылар Жасмин Қизатова мен Гүлсая Ержан Бангкок қаласында (Таиланд) өтіп жатқан 22 жасқа дейінгі Азия чемпионатының жартылай финалында сәтті өнер көрсетті.
70 келіге дейінгі салмақта жартылай финалда Жасмин Қизатова Вьетнам өкілі Чыонг Мин Тху Кунмен жұдырықтасып, оны үшінші раундта техникалық нокаутпен жеңді. Екінші және үшінші раундтарда төреші Тху Кунхты нокдаун деп санады, содан кейін ол Қизатованың мерзімінен бұрын жеңісін тіркеді.
Ал Гүлсая Ержан финалға шығу үшін Непал өкілі Триша Джебегумен кездесіп, оны төрешілер шешімімен бірауыздан ұтты.
Осылайша, Жасмин Қизатова мен Гүлсая Ержан Азия чемпионатының финалына шығып, алтын үшін бақ сынайды.
Айта кетейік, бұған дейін Қазақстан қоржынына Мөлдір Тойқова (50 келі), Әнел Сақыш (54 келі), Виктория Графеева (57 келі), Шахназ Исаева (60 келі), Назерке Серік (63 келі), Ақнар Ищанова (66 келі) Дана Дидай (75 келі) қола медаль салған болатын.
Т. Раушанұлы