Жастар арасындағы бокстан Азия чемпионатында қазақстандық Аяжан Ермек финалда жеңіске жетті.
Алтын үшін айқаста 57 келіде өнер көрсететін қазақстандық бұрымды боксшы өзбекстандық Феруза Шарипованы айқын басымдықпен жеңді - 5:0 (29-26, 29-26, 28-27, 28-27, 29-26). Осылайша, Аяжан жастар арасында Азия чемпионы атанды.
Бұған дейін Қазақстан құрамасынан Аяжан Сыдық та құрлықтық біріншілік алтынын жеңіп алды, ал жігіттерден Алексей Хаванцев алтын иеленді.