Футболдан Еуропа лигасы топтық кезеңінің жеребесі тартылды. Астана футбол клубы топта қандай клубтармен ойнайтыны белгілі болды. Жеребе қорытындысы бойынша елордалық команда К тобына түсті. Украинаның Динамо Киев, Францияның Ренн, Чехияның Яблонец клубтарына қарсы ойнайды. Еуропа лигасының топтық кезеңі 20 қыркүйек күні басталады. 1/16 финалдың жеребесі 17 желтоқсанда өтеді. Астана Еуропа лигасының топтық кезеңінде Кипрдің АПОЭЛ клубын ұтты. Сырт алаңда қарсыластарына 1:0 есебімен ұтылып, қарымта ойында дәл осы есеп айырмасымен жеңіске жетті. Нәтижесінде командалар ойын соңындағы пенальти сериясында жеңімпазды анықтады. Елордалық ұжым 2:1 есебімен жеңіске жетіп, топтық кезеңге шықты.