Астана футбол клубы еурокубок ойындарындағы нәтижесінде рекорд жаңартты. Елордалық ұжым УЕФА-ның клубтар рейтингінде үш маусым ішінде 400-ге жуық орынға жоғарылаған. Осы маусымда Еуропа лигасының 1/16 финалына алғаш рет шыққан Астана бүгінде рейтингте 67-орында тұр. Еурокубоктағы сәтті маусымын бастаған кезде 452-орында тұрған. Ал осыған дейін УЕФА-ның клубтар рейтингінде ешбір еуропалық команда мұндай көрсеткішпен алға ілгерілемеген. Айта кетейік, Астана футбол клубы Чемпиондар лигасы мен Еуропа лигасының да топтық кезеңінде ойнаған қазақстандық жалғыз команда. Сондай-ақ алғаш болып Еуропа лигасының плей-офф кезеңіне шықты. Елордалық ұжым Еуропа лигасының 1/16 финалында ЛиссабонныңСпортингклубымен кездеседі. Командалар арасындағы алғашқы ойын 15 ақпан күні Астанада өтеді.