19 шілдеге қараған түні футболдан әлем чемпионатының үшінші орны үшін Англия мен Франция құрамалары кездеседі. Жартылай финалда жеңіліс тапқан екі команда да турнирді жүлдемен аяқтауға тырысады, - деп хабарлайды Massaget.kz тілшісі.
Қола жүлде үшін матч Майамидегі Hard Rock Stadium аренасында өтеді.
Instagram-дағы бұл жарияланымды көру
Англия - Франция: кездесулер тарихы
Англия мен Франция құрамалары бұған дейін 42 рет кездескен. Оның 24-інде Англия жеңіске жетсе, Франция 12 матчта басым түскен. Тағы 6 ойын тең аяқталған.
Екі құраманың соңғы кездесуі өткен әлем чемпионатының ширек финалында өтті. Ол кезде Франция Англияны 2:1 есебімен жеңіп, жарыстан шығарған еді.
Құрамалардың ӘЧ-2026-дағы жолы
Франция I тобында Сенегал, Ирак және Норвегияны жеңіп, плей-оффқа сенімді шықты. Кейін Швеция, Парагвай және Мароккодан басым түсті. Алайда жартылай финалда Испаниядан 0:2 есебімен жеңіліп, финалға өте алмады.
Англия да L тобын бірінші орынмен аяқтады. Команда Хорватия мен Панаманы жеңіп, Ганамен тең түсті. Плей-офф кезеңінде Конго, Мексика және Норвегияны жарыстан шығарды.
Жартылай финалда ағылшындар Аргентинаға қарсы ойында есепте алда тұрғанымен, соңғы минуттарда екі гол жіберіп алып, финал жолдамасынан айырылды.
Англия - Франция матчы: қайдан көруге болады
Әлем чемпионатының қола жүлдесі үшін Англия мен Франция арасындағы матч 19 шілде күні Қазақстан уақытымен сағат 02:00-де басталады.
Кездесуді Qazsport және Qazaqstan телеарналары, сондай-ақ олардың ресми сайттары тікелей эфирде көрсетеді.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Massaget.kz