Орта салмақта WBO және IBF чемпионы Жәнібек Әлімханұлының (17-0, 12 KO) келесі қарсыласы болуы мүмкін боксшының есімі аталды, - деп хабарлайды Massaget.kz тілшісі.
Ол WBA рейтингінің көшбасшысы, кубалық Йоэнли Эрнандес (8-0, 7 KO) болуы мүмкін. 27 жастағы боксшы кәсіпқой рингте көп айқаспағанымен, өз салмағында кез келген боксшыға қауіпті қарсылас ретінде танылып үлгерген. Сонымен қатар, ол орта дивизион рейтингінде жоғары орындарға ие.
Посмотреть эту публикацию в Instagram
Оның промоутері Луис Де Кубас Әлімханұлымен жекпе-жек ұйымдастыруды жоспарлап отырғанын айтты. Эрнандестің командасы жақын арада WBO басшысы Густаво Оливьеримен кездеспек, ал қазақстандық - осы ұйымның чемпионы.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова