Күні ертең Алматы қаласындағы Алматы Арена кешенінде Fight Nights Global 86 аралас жекпе-жек аламаны өтеді. Кештің басты кездесуінде отандасымыз Жұман Жұмағұлов пен америкалық спортшы Тайсон Нэм кездеседі. Бүгін жарысқа қатысатын спортшылар салмақ өлшеу рәсімінен өтіп, көз арбасты. Бәрі де сыпайылық танытып, әдеп шекарасынан асқан жоқ. Тек Әзірбайжаннан келген Нариман Аббасов қана, Әділ Боранбаевтың тегін тілдеп, Баранбаев деп қағытты. Ал Әділ болса жекпе-жекте жолыққанша деп тісін қайрады. Бір қызығы, бұл кездесуге Нариманмен Қуат Хамитов шығуы керек болған. Найман жарақатына байланысты бұл жарысқа қатыса алмайды. Жанкүйерлер асыға күтіп жүрген жекпе-жектердің бірі - Ержан Естанов пен Расул Мирзаев кездесуі. Қазақстандық спортшы осыған дейін қарсыласына екі рет есе жіберген. Ер кезегі үшке дейін деп, тағы бір бағын сынап көрмек. Кім шын мықты, кім қазір бабында екенін жекпе-жекте көрерміз. Салмақ өлшеу кезінде басты жекпе-жекте кездесетін Жалғас Жұмағұлов пен Тайсон Нэм де бір-біріне жылы қабақ танытты. Жұман Жұмабек пен Никита Балтабаев та ертең кездескенше деп қол алысты. Ал Жасұлан Әкімжановтың қарсыласы тәжік Аслан Бахоров салмақ өлшеуге келген жоқ. Аралас жекпе-жек аламанында барлығы 12 кездесу өтеді. Оның 4-і грепплинг сайысы. Басты кездесу 56.7 кг Тайсон Нэм (АҚШ) -Жалгас Жұмағұлов (Қазақстан) 70.3 кг Нариман Аббасов (Әзірбайжан) -Әділ Боранбаев (Қазақстан) 61.2 кг Никита Балтабаев (Ресей) -Жұман Жұмабеков (Қазақстан) 61.2 кг Никита Михайлов (Ресей) -Сәбит Жүсіпов (Қазақстан) 83.9 кг Георгий Лобжанидзе (Грузия) -Дәурен Ермеков (Қазақстан) 65.8 кг Мұратбек Қасымбай (Қазақстан) -Ренат Ондар (Ресей) 65.8 кг Артур Магомедов (Ресей) -Руслан Серікпұлов (Қазақстан) 65.8 кг Аслан Бахоров (Тәжікстан) -Жасұлан Әкімжанов (Қазақстан) Грепплинг 65.9 кг: Расул Мирзаев -Ержан Естанов 65.9 кг: Юсуп Саадулаев -Хабибула Мансур 65.9 кг: Нартай Кажеков -Расул Тезікбаев 98.9 кг. Бекир Бариев -Арсен Шапиев