Алматы каласында бокстан Қазакстан Респуликасының Құрлық әскери күштерінің Бас қолбасшысының кубогына арналған 5-ші ашық турнир өтуде. Биыл 8 салмақ дәрежесінде өтетін жарысқа 12 команда (96 әскери боксшы) қатысуда. ҚР спорт шебері үш дүркін ТМД чемпионы аға лейтенант Қанат Сүлейменов, ҚР спорт шебері Бауыржан Абдуллаев, Қорғаныс Күштерінің чемпионы, спорт шебері және екі дүркін ел чемпионы қатардағы жауынгер Азамат Тилегенов және т.б. спортшылар бақ сынауда. Турнирдің ашылу салтанатында штаб басшысы - әуе шабуыл әскерінің бірінші орынбасары полковник Мереке Кучекбаев сайыстың маңыздылығын атап өтті. Ең бастысы жас жеткіншектерді салауатты өмір салтына және отансүйгіштікке тәрбиелеу. Еліміздегі әскери боксты насихаттап спортшылардың шеберлігін және біліктілігін арттыру керек екендігін жәнекелешегі бар спортшыларды әзірлеу және ұлттық құрама командаларды қалыптастыру керектігін атап өтті. Полковник Кучекбаев барлық қатысушыларға жеңіс тілей отырып бокс спорты соққыны жіберіп алатындарды сүймейді - деп қалжыңдады. Турнир халықаралық бокс федерациясының ережелеріне сай өтеді. Қатысушылар салмақтық дәрежелелеріне байланысты бәсекелестікке түседі. Халықаралық ережеге сай салмақтық дәрежеге байланысты қатысушылардың орны анықталады. Егерде екі немесе одан көп командалардың ұпай сандары тең түскен жағдайда, бәсекелестік орын алған командалардың ішінде салмақ дәрежесі бойынша басым түскен командаларға беріледі.