Әлемдегі ең қымбат автокөліктің бірін "Галатасарай" футболшысы сатып алды

Фото: kick-or-die.ru

06 қыркүйек 2023, 13:25

"Галатасарай" футбол клубының аргентиналық шабуылшысы Мауро Икарди әлемдегі ең қымбат автокөліктің бірін сатып алды, - деп хабарлайды L'Equipe басылымы.

Футболшы сатып алған ең қымбат көлік – Rolls Royce Boat Tail. Оны алу үшін 26 миллион еуро шығындаған. Әлемде бұл автокөліктің үшеуі ғана бар. Біреуі бағалы інжу тастарды сататын компания иесіне (есімі құпия сақталған) тиесілі болса, екіншісін атақты жұлдызды жұптар Jay-Z мен Beyonce тізгіндеп жүр. Үшіншісін Мауро Икарди сатып алды.

Автокөлік 6,5 литрлі атмосфералық V-12 қозғалтқышымен жабдықталған. Салоны яхта іспетті жасалған. Артқы бөлігінде ас сақтау мен шарапқа арналған арнайы тоңазытқышы да бар.

Le footballeur Mauro Icardi passé par le Paris-SG, aujourd'hui à Galatasaray, s'est offert une Rolls-Royce Boat Tail qui est aujourd'hui considérée comme la voiture neuve la plus chère au monde. https://t.co/Ukhu0ecmmr pic.twitter.com/JeSiS98MTy
— L'ÉQUIPE (@lequipe) September 5, 2023

2022/2023 жылғы маусымда Мауро Икарди "Галатасарай" сапында жалда ойнады. Осы жылдың маусым айында түркиялық команда ойыншыны ПСЖ командасынан толыққанды сатып алды.

"Галатасарайға" дейін Икарди ПСЖ, "Сампдория" және "Интер" клубтарында ойнаған. Ал мансабын "Барселона" клубы академиясынан бастаған.

Қызықты жаңалықтар мен видеоларды көру үшін TikTok арнамызға жазылыңыз!

О. Сансызбай