Бүкіләлемдік бокс сериясындағы (WSB) "Uzbek Tigers" пен "Astana Arlans" кездесуін тікелей эфирде тек "Vesti.kz" сайты ғана көрсетеді. Хабар арнасы көрермендеріне жекпе-жектердің жазба нұсқасын ұсынады екен.
Қос клуб арасындағы бокс кеші ертең өтеді. Ташкенттегі қазақ-өзбек боксының текетіресі Астана уақытымен сағат 20:00-де басталады. Тікелей эфирде мына сілтеме арқылы көре аласыздар.
Командалар жекпе-жекке шығатын құрамын жариялап үлгерді. Шаршы алаңдағы боксшылар жұбы төмендегідей:
49 келі: Хасанбой Дусматов – Теміртас Жүсіпов
56 келі: Абдулхай Шарахматов - Ілияс Сулейменов
64 келі: Эльнур Абдураимов - Ділмұрат Мижитов
75 келі: Исраил Мадримов - Сапарбай Айдаров
-91 келі: Зухриддин Махкамов - Антон Пинчук
Айта кетейік, Талдықорғанда өткен бірінші жекпе-жекте қазақ боксшылары қарсыластарын 4:1 есебімен ұтқан болатын.