UFC президенті Дана Уайт алғашқылардың бірі болып Шавкат Рахмоновты (17-0) промоушендегі кезекті жеңісімен құттықтады, - деп хабарлайды Vesti.kz.
Лас-Вегастағы (Невада, АҚШ) T-Mobile Arena-да өткен UFC 285 турнирі аясында "Номад" америкалық Джефф Нилді мерзімінен бұрын жеңді (14-5). Қазақстандық үшінші раундта жеңіске жетті. Октагоннан шығар жерде Шавкатты UFC басшысы күтіп тұрды.
"Бұл нағыз соғыс болды. Құттықтаймыз. Керемет жекпе-жек", - деді Уайт.
Қазақстандық оған алғысын білдірді.
Еске салайық, бұған дейін Шавкат Рахмонов UFC турнирінде жеңіске жеткені хабарланған болатын.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!