Ресми! Шавкат Рахмонов UFC рейтингінде үздік үштікке енді

Қазақстандық аралас жекпе-жек шебері Шавкат Рахмонов (18-0) жаңарған UFC рейтингінде жартылай орта салмақта екі саты жоғарылап, үздік үштікке енді. 

Шавкат бұған дейін бесінші орында болған. Отандасымыз жексенбі күні Лас-Вегаста америкалық Стивен Томпсонды қылқындыру әдісімен ұтып, кезекті жеңісіне қол жеткізді. Нәтижесінде 3-орында тұрған америкалық Колви Кобингтонды 2 саты төмен сырғытты. 

Жартылай орта салмақта чемпиондық атаққа ие – Леон Эдвардс (23-3). Британдық спортшы отандасымызбен шайқасуға қарсы емес. Үздік үштікке енген Шавкат та чемпионға қарсылас атануы да мүмкін. 

Рейтингте Шавкаттан жоғары Камара Усман мен Белал Мұхаммед тұр. 

Айта кетейік, осыған дейін Шавкат RMC Sport-қа берген шағын сұхбатында шамасы жетпейтін жалғыз спортшының есімін атаған болатын.

Өзекті жаңалықтарды өз уақытында оқу үшін Facebook парақшамызға жазылыңыз!