Жасанды интеллект GGG мен Канело арасындағы даулы жекпе-жек жеңімпазын анықтады

Deep Strike деп аталатын жасанды интеллект қазақстандық Геннадий Головкин (42-2-1, 37 КО) мен мексикалық Сауль Канело Альварес (60-2-2, 39 КО) арасындағы екі бірдей даулы жекпе-жектің жеңімпазын анықтады. 

Төрешілер шешімі мен жасанды интеллекттің қорытындысы сәйкес келмейді. 2017 жылы өткен екі боксшы арасындағы бірінші жекпе-жек тең аяқталып, соңы дауға ұласқан еді. Deep Strike бұл жекпе-жекте отандасымыз айқын жеңіске жетті деп санайды. Араға бір жыл салып қайта өткен қарымта кездесуде де GGG жеңіске жеткені жайлы шешім шығарған. 

Жасанды интеллект шешімі бойынша бірінші жекпе-жекте Гена 49-да 24% көрсеткішімен басым болған. Екінші жекпе-жектегі пайыздар көрсеткішінде де 32-де 30% нәтижесімен отандасымыз алда болып шыққан. 

Геннадий Головкин қосымша көрсеткіштер бойынша да қарсыласынан басым болған. 

Бағдарлама тек статистиканы ғана түзіп қоймай, боксшылардың әр қимылына да сараптама жасайды. 

Өзекті жаңалықтарды өз уақытында оқу үшін Facebook парақшамызға жазылыңыз!