Рио-де-Жанейро қаласында (Бразилия) семсерлесуден жасөспірімдер мен кадеттер арасында әлем чемпионаты басталды, - деп хабарлайды Massaget.kz тілшісі ҰОК-қа сілтеме жасап.
Жарыстың алғашқы күні Қазақстан құрамасы жүлдеге қол жеткізді. Нұрмұхаммед Жайлыбай қылыштасудан қола медальға ие болды.
Отандасымыз жартылай финалға дейін жетіп, шешуші кезеңде Түркия өкілі Фуркан Яманға 13:15 есебімен жол берді. Осылайша Нұрмұхаммед Жайлыбай турнирді үшінші орынмен аяқтады.
Жарыс барысында ол Венгрия спортшысы Даниэль Беркешиді (15:6), жапониялық Мотоки Кавахараны (15:7), ресейлік Ярослав Борисовті (15:14) және АҚШ өкілі Эмилио Патурзоны (15:13) жеңді.
Өзекті жаңалықтарды өз уақытында оқу үшін Facebook парақшамызға жазылыңыз!