Елена Рыбакина Дохадағы турнирде US Open финалисін жеңіп, жартылай финалға шықты

Қазақстанның бірінші, әлемнің төртінші ракеткасы Елена Рыбакина Дохадағы WTA 1000 турнирінің жартылай финалына шықты, - деп хабарлайды Massaget.kz тілшісі.

Ол ширек финалда әлемнің 38-ракеткасы, 2021 жылғы АҚШ ашық чемпионатының финалисі, канадалық Лейла Фернандеспен кездесті.

Алғашқы партияда канадалық теннисші 4:1 есебімен алда болғанымен, Елена жағдайды түзеп, 4:4 етіп теңестіріп, соңында өзі сетті түйіндеді - 6:4.

Ал екінші партияда ол қарсыласына еш мүмкіндік бермей, 6:2 есебімен матчты аяқтады.

Посмотреть эту публикацию в Instagram

Публикация от Women’s Tennis Association (@wta)

Қазақстандық теннисші 1 сағат 35 минутқа созылған матч кезінде алты эйс пен екі қос қателік жасады және 11 брейк-пойнттың бесеуін сәтті пайдаланды.

Айта кетейік, бұл матчты әлемге әйгілі бразилиялық футболшы Роналдиньо да трибунадан тамашалады.

Посмотреть эту публикацию в Instagram

Публикация от Women’s Tennis Association (@wta)

Енді Елена Рыбакина турнирдің финалына шығу үшін ресейлік теннисші Анастасия Павлюченковаға қарсы ойнайды.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!